ජන කවි
අතීතයේ මිනිසුන් වැඩ කරන අවස්ථාවල වෙහෙස නිවා ගැනීමට ගැනීමට කවි ගායනා කළෝ ය.
🔸ගොයම් කවි
🔸පතල් කවි
🔸පැල් කවි
🔸පාරු කවි
🔸කරත්ත කවි
🔸ධීවර කවි
🌷 ගොයම් කවි
ඉර දෙවියන්ගේ ඉරගල ගාවා
සඳ දෙවියන්ගේ සඳ ගල ගාවා
ගණ දෙවියන්ගේ කෝවිල ගාවා
අපිත් කියමු කවි ගොවිපල ගාවා
🌷 පතල් කවි
ඉන්නේ දුම්බරයි මහ කළු ගලක් යට
කන්නේ කරවලයි රට හාලේ බතට
බොන්නේ බොර දියයි බොර දියයි පූරුවෙ කළ පවට
යන්නේ කවදාද මව්පියො දකින්නට
🌷 පැල් කවි
ලස්සන හිම වතේ මා වී පැසෙන්නේ
දුක් දෙන අලි ඇතුන් පන්නා හරින්නේ
රැක්මෙන දෙවියනේ වෙල බත බුදින්නේ
දුප්පත් කම නිසයි මම පැල් රකින්නේ
🌷 පාරු කවි
ඔන්න මලේ ඔය නාමල නෙළා වරෙන්
අත්ත බිඳෙයි පය බුරුලෙන් තබා වරෙන්
කැලණි ගඟේ ඔරු යනවා බලා වරෙන්
සාදු කාර දී ඔරුවක නැගී වරෙන්
🌷 කරත්ත කවි
තන්ඩලේ දෙන්න දෙපොලේ දක්කනවා
කටු කැලේ ගාලේ නොලිහා වද දෙනවා
හපුතලේ කන්ද දැකලා බඩ දනවා
පව් කල ගොනෝ ඇදපන් හපුතල් යනවා
🌷 ධීවර කවි
හෙළවාලේ හෙළෙයියෝ
මන්නඩිරාල හෙලෙයියෝ
පාරුව මුහුදට හෙලෙයියෝ
තල්ලු කරා පන් හෙලෙයියෝ
ඕඩි හෙලෙයි ඕඩි හෙලෙයි ....
No comments:
Post a Comment